कैलाली जिल्लाको भजनी नगरपालिकामा आज बिहीबार बाढी सचेतता सम्बन्धि कृतिम घटना अभ्यास गरिएको छ । भजनी नगरपालिका र प्रयास नेपाल कैलालीको आयोजना तथा युनिसेफ नेपालको सहयोगमा भजनी नगरपालिका वडा नम्बर ३ को कर्मदेव घाटमा कोभिड-१९ बाढी पुर्व तयारी तथा प्रतिकार्य कार्यक्रम अन्तर्गत बाढी सचेतता सम्बन्धि कृतिम घटना अभ्यासको आयोजना गरिएको हो ।                                                भजनी नगरपालिकाका प्रमुख प्रशासकीय अधिकृत धर्मराज बिनाडीको सभापतित्वमा कार्यक्रम सम्पन्न भएको हो । बाढी पुर्व तयारी तथा बाढी आउँदा कसरी उद्दार गर्ने भन्ने विषयमा जानकारी दिने उदेश्यले कृतिम घटना अभ्यासको आयोजना गरिएको प्रयास नेपाल कैलालीका कार्यकारी निर्देशक लोकराज जोशीले बताउनुभयो ।  कार्यक्रममा बाढीमा बगेकालाई कसरी उद्दार गर्ने , नदी बिचमा फसेकालाई कसरी उद्दार गर्ने तथा आगलागी हुँदा कसरी निभाउने लगायत प्राथमिक उपचार कसरी गर्ने भन्ने विषयमा स्थानीय खोज तथा उद्दार सहयोगी कार्यदलले डेमो प्रदर्शन गरेको थियो ।                                            कृतिम घटना अभ्यास कार्यक्रममा युनिसेफ नेपाल नेपालगन्जका राजेश सारु मगर, नेपाल रेडक्रस सोसाइटी कैलाली शाखाका उपसभापति बाशुदेव बिनाडी, भजनी नगरपालिका वडा नम्बर ८ का वडा अध्यक्ष पंकज चौधरी, नेपाल रेडक्रस सोसाइटी बलिया उपशाखाका सभापति रंगप्रसाद तिमिल्सैना, भजनी उपशाखाका सभापति नुमाकन्त खडका , भजनी उपशाखा सचिव प्रदिप मल्ल , नेपाल पत्रकार महासंघ कैलालीका पुर्व सदस्य देवानन्द न्यौपाने , भजनी नगरपालिकाका विभिन्न शाखा प्रमुखहरु, नेपाल प्रहरी , सशस्त्र प्रहरी लगायतकाको उपस्थिति रहेको थियो ।                                               युनिसेफको सहयोगमा प्रयास नेपाल कैलालीले गत वर्षदेखि भजनी नगरपालिकामा विपद पुर्व तयारीका लागि विभिन्न गतिविधि संचालन गर्दै आइरहेको छ । संस्थाले नगरपालिकाको क्षमता विकासका लागि विपद पुर्व तयारी तथा प्रतिकार्य योजना निर्माण , कोष संचालन कार्यविधि निर्माण , स्थानीय विपद व्यवस्थापन समिति अन्तर्गत खोज तथा उद्दार कार्यदललाई तालिम सञ्चालन, खोज तथा उद्दार सामग्री सहयोग , डुङ्गा मर्मत , उच्च धारा तथा आकस्मिक शौचालय निर्माण एवम् मर्मतका काममा भजनी नगरपालिकाको वडा नम्बर ३ र ८ मा सहयोग गर्दै आएको छ ।                                                             संस्थाले भजनी नगरपालिकाको वडा नम्बर ३ र ८ मा विपदका बेला प्रभावित व्यक्ति र घरपरिवारलाई नगद रहत सहयोग हस्तान्तरणका लागि सर्वेक्षण फारम भरेर व्यक्तिगत तथा पारिवारिक विवरण , विपद जोखिमता लगायतका तथ्यांकहरु समेत संकलन गरिरहेको प्रयास नेपाल कैलाली कोभिड-१९ बाढी पुर्व तयारी तथा प्रतिकार्य कार्यक्रमका संयोजक मनिराम पाण्डेले जानकारी दिनुभएको छ ।