नेकपा एमालेका वरिष्ठ नेता तथा पूर्व प्रधानमन्त्री माधवकुमार नेपालले अध्यक्ष केपी शर्मा ओली एकताका लागि इमान्दार नभएका कारण अब अर्को पार्टी दर्ता गरिने बताएका छन् । मंगलबार बानेश्वरमा सांसद तथा केन्द्रीय सदस्यको भेलामा वरिष्ठ नेता नेपालले अव छुट्टै पार्टी दर्ता गरेर अघि बढ्ने बताए । केपी शर्मा ओली इमानदार नभएपछि एमालेमा बस्नु के अर्थ छ भन्दै नेता नेपालले अब नयाँ दलमार्फत जनतामा जाने बताएका थिए । छलफलपछि एमाले सांसद मेटमणी चौधरीले एमाले बिभाजन गर्ने कुरा टुङ्गो लागेको बताए । २० प्रतिशत थ्रेसहोल्ड राखेर नयाँ पार्टी दर्ता गर्ने कानून आएलगतै दल दर्ता हुने उनले बताए ।
मंगलवार, कार्तिक ११ गते २०८३
