नेकपा एमालेका अध्यक्ष एवम् पुर्व प्रधानमन्त्री केपी शर्मा ओलीले माधव नेपालले विगतमा पार्टीलाई सिध्याएर राजीनामा दिएको आरोप लगाएका छन् । बिहीबार भक्तपुरमा एमाले पार्टीले गरेको कार्यक्रमलाई सम्बोधन गर्दै ओलीले माधव पक्षले निकम्मा पनको पराकाष्टामा पुर्याएर पार्टी सिध्याएर छाडेको बताए । नेपालले २०६४ सालको चुनावमा २ सय ४० सिटमध्ये एमालेलाई ३३ सिटमा खुम्च्याएर मैले पार्टी ध्वस्त पारेँ भनेर राजीनामा दिएको दावी समेत गरेका छन् । एमाले सिध्याउनुपर्छ भनेर आफ्नो सरकार हुँदाहुँदै प्रतिपक्षीलाई प्रधानमन्त्री खाइदेउ कि खाइदेउ भनेर हिँडेको र अहिले आएर पार्टी फुटाएरै छाडेको उनले उल्लेख गरे । अध्यक्ष ओलीले सुदूरपश्चिममा आफ्नो पार्टीको बहुमत रहँदा पनि हुँदै नभएको माओवादीलाई काँधमा बोकेर सरकार दिएको, कर्णालीमा २० सिट आफ्नो पार्टीको हुँदा पनि माओवादीलाई बोकेर हिँडेको उनको आरोप थियो । नेता नेपालले हुँदाहुँदा बराबरी हैसियतको अध्यक्ष पद नै मागेको बताउँदै ओलीले दोश्रो तहको अध्यक्षसम्म दिन्छु भन्दापनि नमानेको बताए ।
मंगलवार, कार्तिक ११ गते २०८३
