तालिबान काबुल फर्केपछि मुलुक छाड्न चाहने अफगानीहरूको काबुल अन्तर्राष्ट्रिय विमानस्थलमा भिड जम्मा भएको छ । विमानस्थल बाहिर पनि हजारौँ अफगानी जम्मा भएका छन् । त्यही भिडमा ठेलमठेल हुँदा शनिबार ७ जना अफगानीले ज्यान गुमाएका छन् । मृतकको संख्या बेलायती रक्षा मन्त्रालयले दिएको हो । ‘अफगानिस्तानमा स्थिती बिग्रदो छ । अफगानिस्तान छाड्न काुबल अन्तर्राष्ट्रिय विमानस्थलमा हजारौँको संख्यामा अफगानी पुगेका छन् । भिडमा ठेलठेल हुँदा ७ जनाले ज्यान गुमाएका छन्,’ बेलायती रक्षा मन्त्रालयले भनेको छ । काबुलमा रहेका बेलायती पत्रकारहरुका अनुसार दशौँ हजार अफगानी काबुल विमानस्थलमा जम्मा भएका छन् । भिडलले विमानस्थलको गेट पनि भत्काएको छ । बेलायती टेलिभिजन स्काई स्पोटर्समा प्रशारण गरिएको भिडियो फुटेजमा विमानस्थलमा रहेका विदेशी सुरक्षाकर्मीहरुले भिड रोक्न र ठेलमठेलमा घाइते भएका अफगानीहरुलाई उद्धार गर्ने प्रयास गरिरहेको देखिन्छ । रोयटर्सबाट
मंगलवार, कार्तिक ११ गते २०८३
