नेपाली कांग्रेसका युवा नेता , पुर्व स्वास्थ्यमन्त्री तथा सांसद गगन थापाले आसन्न महाधिवेशनमा आफूले महामन्त्रीमा उम्मेदवारी दिने घोषणा गरेका छन् । सोमबार काठमाडौंको आफ्नो निर्वाचन क्षेत्रमा आयोजित एक कार्यक्रमकामा थापाले आफ्नो उम्मेदवारी घोषणा गरेका हुन् । हामी १४ औं महाधिवेशनको प्रारम्भमा छौं,’ थापाले भने, ‘मैले यो भन्दा अघिल्लो महाधिवेशनमा महामन्त्रीमा प्रतिष्पर्धा गरेँ । मेरो वडाका अग्रज र मेरो साथीहरूको बीचमा गौरवका साथ १४ औं महाधिवेशनमा म नेपाली कांग्रेसको महामन्त्रीमा उम्मेदवारी घोषणा गर्छु ।’ कांग्रेस नेता कृष्णप्रसाद सिटौलाको खेमाबाट उठेका थापा पराजित भएका थिए। यस पटक सर्वसम्मत रुपमा चयन हुने प्रयत्न गर्ने थापाले बताएका छन् । थापाले १३ औं महाधिवेशनमा आफ्ना ससुरा अर्जुननरसिंह केसी , वर्तमान महामन्त्री डाक्टर शशांक कोइरालासँग प्रतिस्पर्धा गरेका थिए भने उनले ५ सय ८४ मत प्राप्त गरेका थिए ।
मंगलवार, कार्तिक ११ गते २०८३
