अख्तियार दुरूपयोग अनुसन्धान आयोगको टोलीले काठमाडौं महानगरपालिका–१४ का वडा सदस्य वसन्त महर्जनलाई घुससहित पक्राउ गरेको छ। जग्गाको मोहियानी हक नामसारी र नाता प्रमाणित गरी मोही प्रमाण–पत्र र मालपोत तथा भूमि व्यवस्था कार्यालय काठमाडौंलाई सिफारिस दिनका लागि सेवाग्राहीसँग घुसवाफत लिएको २ लाख रूपैयाँसहित अख्तियारको टोलीले उनलाई नियन्त्रणमा लिएको जनाएको छ। महर्जनलाई उक्त रकमसहित कलंकी, खसी बजारस्थित न्यू कान्तिपुर तन्दुरी भोजनालयबाट नियन्त्रणमा लिई थप अनुसन्धान भइरहेको अख्तियारका प्रवक्ता नारायणप्रसाद रिसालले जानकारी दिए।
मंगलवार, कार्तिक ११ गते २०८३
