तलबभत्ता नपाएको भन्दै आन्दोलित बर्दगोरियाका सामुदायिक विद्यालयका शिक्षक–कर्मचारीले मंगलबार बिहान पालिकाको कार्यालयमा गरेको तालाबन्दी खुलेको छ । आन्दोलित शिक्षक कर्मचारी र गाउँपालिकाका पदाधिकारी बिच माग पूरा गर्ने सम्बन्धमा भएको छलफल सकारात्मक देखिएपछि मंगलबार साझ साढे ६ बजे तालाबन्दी खुला गरिएको शिक्षक सुरेन्द्र प्रकाश जैसीले जानकारी दिनु भएको छ । 
तालाबन्दीका कारण गाउँपालिकाबाट नागरिकले पाउने सम्पुर्ण सेवा दिनभर प्रभावित बनेको थियो । शिक्षकहरुले उठाएका मागका सम्बन्धमा मंगलबार दिनभर दुई पक्षिय बार्ता भएको थियो । जसमा शिक्षकहरुको तर्फबाट नेपाल शिक्षक महासंघ बर्दगोरियाका अध्यक्ष उदय सिंह बीसी र पालिकाको तर्फबाट गाउँपालिका अध्यक्ष बलिराम डगौरा थारुको संयोजकत्वमा वडा नम्बर १ का अध्यक्ष जयरुप खतिवडा ,वडा नम्बर ५ कि अध्यक्ष श्याम कुमारी थारुको सहभागीता रहेको थियो । बाल विकासको ७ हजार , कार्यालय सहयोगीको ५ हजार , कार्यालय सहायकको ८ हजार , प्रावि १४ हजार , निमावि १५ हजार र मावि १७ हजार सेवा सुविधा त्रैमासिकका हिसाबले पालिकाबाट भुक्तानी गर्ने हिसाबले सहमति भएको जैसीले जानकारी दिनु भएको छ ।
मंगलवार, कार्तिक ११ गते २०८३
