नेपाली कांग्रेस मोहन्याल गाउँ कार्य समिति कैलालीको आयोजनामा विजया दशमी तथा शुभ-दिपावलीको पावन अवसरमा शुभकामना आदानप्रदान कार्यक्रम मोहन्याल ३ फले बिसौनामा शनिबार सम्पन्न भएको छ । 
नेपाली कांग्रेस मोहन्याल गाउँ कार्य समितिका सभापति भिम ताम्लाङ्गीको सभापतित्वमा भएको कार्यक्रमका प्रमुख अतिथि नेपाली कांग्रेसका केन्द्रीय सदस्य तथा पुर्वमन्त्री रामजनम चौधरी रहनु भएको थियो । विशिष्ट अतिथिमा नेपाली कांग्रेसका महासमिति सदस्य युवा नेता कमल बहादुर शाह र नेपाली कांग्रेसका महासमिति सदस्य तथा युवा नेता अरुण कुमार चौधरी रहनु भएको थियो । 
अतिथिमा नेपाली कांग्रेसका जिल्ला कार्य समिति सदस्यहरू कृष्ण पाण्डे , नृप सुनार , नेपाली कांग्रेस क्षेत्र नं २ का पुर्व क्षेत्रीय सभापति देवानन्द जैसी , नेपाली कांग्रेस क्षेत्र नं ३ ख का प्रदेश सभापति तथा युवा नेता लक्ष्मण शाही , नेपाली कांग्रेस जिल्ला कार्य समितिका आमन्त्रित सदस्यहरू , क्षेत्रीय सदस्यहरू , पुर्व क्षेत्रीय सदस्यहरू , वडा सभापतिहरू , निर्वाचित वडा अध्यक्षहरू , स्थानीय तहका पालिकाका उम्मेदवारहरू , मोहन्याल गाउँपालिकाका नेता तथा कार्यकर्ताको सहभागीता रहेको थियो । 
वीर बहादुर सिजाली मगरको स्वागत मन्तव्यसँगै सुरु भएको कार्यक्रमको सञ्चालन गाउँ कार्य समिति सचिव नरेन्द्र प्रसाद जैसीले गरेका थिए । कार्यक्रममा बोल्ने वक्ताहरूले दशै , तिहारको शुभकामना व्यक्त गर्नुका साथै पार्टीका नेता कार्यकर्ता सबै मिलेर एकजुट भएर जानुपर्ने बताएका थिए । कार्यक्रममा बोल्दै नेपाली कांग्रेसका केन्द्रीय सदस्य तथा पुर्वमन्त्री रामजनम चौधरीले मोहन्यालको भुगोलका बारेमा आफुलाई जानकारी भएको बताउनुभयो । चौधरीले कैलालीका तराई क्षेत्रका केही पालिकाका वडाहरूमा सहमति भएको बताउदै सहमतिका लागि सबै लागेमा मोहन्यालमा सजिलै सहमति हुने बताउनुभयो । केन्द्रीय सदस्य चौधरीले इच्छाशक्ति भएको खण्डमा सहजै सहमति हुने र अहिलेको अवस्थामा सबैलाई अट्न सक्ने ठाउँ रहेको बताए । पुर्व स्वास्थ्यमन्त्री समेत भइसक्नु भएका चौधरीले आफ्नो मन्त्रीको कार्यकालमा स्वास्थ्य बिमा , मृगौला पिडितलाइ निशुल्क डाइलासिस , क्यान्सर पिडितलाई १ लाख रुपैयाँ बराबर निशुल्क उपचार जस्ता स्वास्थ्य क्षेत्रमा महत्त्वपूर्ण निर्णय गरि लागू गरेको बताउनुभयो । अन्य पार्टी परित्याग गरि कांग्रेसमा समेत प्ररवेश थिए । 
मंगलवार, कार्तिक ११ गते २०८३
