लम्की लेडि जेसीजको आयोजनामा HIV संक्रमित बालबालिकालाई न्यानो लुगा तथा स्टेसनरी सामाग्री वितरण गरिएको छ । कैलालीको लम्कीमा बिहीबार २३ जना बालबालिकालाई स्टेसनरी तथा न्यानो लुगा वितरण गरिएको हो । 
लम्की लेडि जेसीजकी अध्यक्ष दुर्गा गुरुङको अध्यक्षतामा भएको कार्यक्रमका प्रमुख अतिथि किसान बहुउद्देश्यीय सहकारी संस्थाका महाप्रबन्धक डम्बर बहादुर शाह रहनु भएको थियो । कार्यक्रममा विशिष्ट अतिथिमा लम्की लेडी जेसीजकी पुर्व अध्यक्ष निर्मला सिंह राठौर र लम्कीचुहा स्वास्थ्य शाखा प्रमुख जयन्ती विसी रहनु भएको थियो । कार्यक्रममा लम्की लेडि जेसीजका वर्तमान पदाधिकारी तथा पुर्व पदाधिकारीको सहभागीता रहेको थियो । 
कार्यक्रममा लम्की जेसीजका अध्यक्ष घनश्याम डांगीले शुभकामना मन्तव्य राख्नु भएको थियो भने कार्यक्रमको सञ्चालन लम्की लेडी जेसीकी महासचिव शान्ति चन्दले गर्नु भएको थियो ।
मंगलवार, कार्तिक ११ गते २०८३
