कैलालीको लम्कीचुहा नगरपालिका वडा नं १ , पुर्व लम्की स्थित एकता नगर शिविरमा नमुना अध्ययन गृहमा अध्ययनरत विद्यार्थीहरूलाई शैक्षिक सामाग्री वितरण गरिएको छ । युवा समाजसेवी तथा नेपाली कांग्रेसका युवा नेता टेकराज कठायतको सहयोगमा शैक्षिक सामग्री कापी , पेन्सिल आज बिहीबार वितरण गरिएको छ ।
शैक्षिक सामाग्री वितरण कार्यक्रममा नेपाली कांग्रेसका नेता देवानन्द जैसी, कांग्रेस नेता खडानन्द सापकोटा,जनक शाह, टेक नाम्जाली मगर ,केशव बजगाई, वडा सभापति प्रयागराज खनाल, लक्ष्मीकान्त जैसी , धिरज सज्याल, रविन्द्र शाही लगायतको उपस्थितिमा उक्त नमुना अध्ययन गृहमा करिब ४० जना अध्ययनरत विद्यार्थीहरूलाई शैक्षिक सामाग्री वितरण गरिएको हो । यस एकतानगर सिविरका विपन्न वर्गका बालबालिका लागि यसले केहि टेवा पुग्ने कठायतले बताउनुभयो ।
साना नानीवावुहरुको अध्ययनमा सधै सक्रिय शिक्षिका सुधामा चौधरीको सक्रियतालाई समेत धन्यवाद प्रकट गरेका छन् ।
