सानिमा लाइफ इन्स्योरेन्स कम्पनी लिमिटेडको आयोजनामा कैलालीमा रहेका लम्की शाखा , टीकापुर शाखा , सुखड शाखा र मसुरिया शाखामा आबद्ध अभिकर्ता , एजेन्सी म्यानेजरहरूलाई रिफ्रेसमेन्ट सम्बन्धी तालिम कैलालीको लम्कीमा सोमबार सम्पन्न भएको छ । 
सबैलाई बिमाको पहुँचमा पुर्याउन बिमाले जोखिम बहन गर्ने र बिमा बचत भएकाले लम्कीचुहा नगरपालिका , टीकापुर नगरपालिका , घोडाघोडी नगरपालिका र गौरीगंगा नगरपालिका क्षेत्रमा रहेका अभिकर्तारूलाई तालिम दिइएको हो । 
लम्की , टीकापुर क्षेत्रबाट करिब १ लाख जनालाई अभिकर्ता बनाइ रोजगारी दिने कम्पनीको मुख्य लक्ष्य रहेको सानिमा लाइफ इन्स्योरेन्स कम्पनी लिमिटेडका केन्द्रीय मार्केटिङ म्यानेजर गणेश चौलागाईंले बताए । तालिममा सहभागीहरूलाई बिमा सम्बन्धी जानकारी चौलागाईंले दिएका थिए । 
सानिमा लाइफ इन्स्योरेन्स कम्पनीका क्षेत्रीय प्रमुख गणेशराज उप्रेती , सानिमा लाइफ इन्स्योरेन्स कम्पनी लिमिटेड लम्की शाखाका प्रमुख कमल प्रसाद खनाल लगायत टीकापुर , सुखड , मसुरिया शाखाका प्रमुख तथा प्रतिनिधि , अभिकर्ताहरूको उल्लेखनीय सहभागीता रहेको थियो ।
मंगलवार, कार्तिक ११ गते २०८३
