कैलालीको मोहन्याल गाउँपालिका अन्तर्गतका सामुदायिक विद्यालयमा ‘ब्रोडव्याण्ड’ ईन्टरनेट विस्तार भएको छ । भौगोलिक रूपमा दुर्गम मानिएको मोहन्याल गाउँपालिका अन्तर्गतका ग्रामीण क्षेत्रका विद्यालयमा ईन्टरनेटको पहुँच पुर्याउन लागिएको हो । 
गाउँपालिकाले बिना तारको ब्रोडव्याण्डको पहुँच सबै वडाका सामुदायिक विद्यालयमा विस्तार गरिएको हो । ग्रामीण स्तरमा ईन्टरनेटको पहुँच पुर्याउन नेपाल टेलिकमको ग्रामीण दूर सञ्चार विकास कोष र गाउँपालिकाको सहकार्यमा ४५ वटा सामुदायिक विद्यालयमा शुक्रबार वितरण गरिएको छ । गाउँपालिका कार्यबाहक अध्यक्ष कमल बहादुर साउदलाई पत्रकार चन्द्र प्रसाद खनालले यो योजनाको विषयमा विस्तृत जानकारी गराएको र फिल्ड अफिसर सुदुरपश्चिम प्रदेश इन्चार्ज कृष्ण प्रसाद न्यौपानेले फाइदादेखि सिस्टमका बारेमा जानकारी गराएकाले तत्कालीन कार्यान्वयन गरिएको हो । 
जेष्ठ २७ गते धनगढीमा स्थानीय तहका जनप्रतिनिधिहरूलाई अभिमुखीकरण तालिम समापन भइसके पछिको समयमा जानकारी गराइएको थियो । नेपाल दूर सञ्चार प्राधिकरण (ग्रामीण दूर सञ्चार विकास कोष) को प्रयोग गरि स्थानीय तह मार्फत ब्रोडव्याण्ड’ ईन्टरनेटको पहुँच पुर्याउने कार्यलाई प्राथमिकता दिइएको गाउँपालिकाले जनाएको छ । गाउँपालिकामा कक्षा १ देखि ३, १ देखि ५ र १ देखि ८ सम्म सञ्चालित सामुदायिक विद्यालयमा कम्तिमा २० एमबीपीएसको क्षमताको ब्रोडव्याण्ड’ ईन्टरनेट सामाग्री वितरण गरिएको छ । 
गाउँपालिकाका कार्यवाहक अध्यक्ष कमलबहादुर साउँदले विद्यालयका प्रधानाध्यापकलाई ‘ब्रोडव्याण्ड’ ईन्टरनेट सामग्री वितरण गरेका छन् । पालिका अन्तर्गतका अधिकांश वडाहरु अझै बिजुली, टेलिफोन र ईन्टरनेटको पहुँच पुग्न सकेको छैन । गाउँपालिकाको केन्द्र खिमडीमै टेलिफोन र इन्टरनेट पहुँच पुग्न नसकेपछि गाउँपालिकाबाट सञ्चालन हुने प्रशासनिक काम प्रभावित हुँदै आएकका छन् ।
मंगलवार, कार्तिक ११ गते २०८३
