कैलालीको लम्कीचुहा नगरपालिकालाई पूर्णखोप सुनिश्चितता पालिका घोषणा गरिएको छ । लम्कीचुहा नगरपालिका भल्कामा शुक्रबार एक कार्यक्रम गरी जिल्ला समन्वय समिति कैलालीका प्रमुख पदम कलेलले नगरपालिकालाई पूर्ण खोप सुनिश्चितता पालिका एवम् दीगोपना घोषणा गर्नुभएको हो । पुर्ण खोप सुनिश्चितता पालिका घोषणा कार्यक्रममा लम्कीचुहा नगरपालिका नगर प्रमुख सुशिला शाहीको अध्यक्षतामा भएको कार्यक्रमका प्रमुख अतिथिमा जिल्ला समन्वय समिति कैलालीका प्रमुख पदम कलेल रहनु भएको थियो । कार्यक्रममा नगर उपप्रमुख जुना चौधरी , वडा अध्यक्षहरू , कर्मचारी , स्वास्थ्यकर्मी , स्वास्थ्य स्वयम् सेविका , सरोकारवालाहरूको सहभागीता रहेको थियो । कार्यक्रममा स्वागत मन्तव्य लम्कीचुहा नगरपालिका स्वास्थ्य शाखा प्रमुख जयन्ती बिसीले राख्नु भएको थियो । स्वास्थ्य शाखा प्रमुख बिसीले विभिन्न चुनौती र समस्याका बाबजुत पुर्ण खोप अभिघात घोषणा गर्न सफल भएकाले सहयोग गर्ने सबैलाई धन्यवाद व्यक्त गर्नुभयो । लम्कीचुहा नगरपालिका नगर कार्यपालिकाको कार्यालय स्वास्थ्य शाखा भल्का कैलालीको आयोजना कार्यक्रम भएको हो ।
मंगलवार, कार्तिक ११ गते २०८३
