बर्दियाको गुलरिया नगरपालिकामा १२ वटै वडाबाट अनलाइन राजस्व प्रणालीमा लिन सोमबारदेखि आयोजना गरिएको तालिम बिहीबार सम्पन्न भएको छ । तालिमको समापन गुलरिया नगरपालिकाका उप प्रमुख सावित्रा गौतमले गर्नु भएको हो ।
तालिम समापन कार्यक्रममा बोल्दै उप प्रमुख गौतमले १२ वडाबाट सहभागी वडा सचिव कर्मचारीहरूले यो अनलाइन राजस्व प्रणाली विश्वसनीय बनाएर छिटोछरितो काम गर्न निर्देशन दिनु भएको छ ।
तालिम समापन कार्यक्रममा गुलरिया नगरपालिकाका निमित्त प्रमुख प्रशासकीय अधिकृत रुपसिङ खत्रीले राजस्व संकलन अनलाइन प्रणाली लागू गर्नुपर्ने कारण बारे प्रष्ट पार्दै यो प्रणाली विश्वासिलो र भरपर्दो भएको बताउनुभयो । जनताहरूलाई नगरपालिका आउन समस्याबाट मुक्त हुने बताउदै अधिकृत खत्रीले बहाल कर , व्यावसाय कर , सम्पत्ति तथा भुमि कर ,सिफारिस दस्तुर लगायतका सबै सेवा अनलाइनमा हुने भएकाले वडाबासीहरू नगरपालिका आउन नपर्ने र उक्त सेवाहरू वडाबाट हुने बताउनुभयो ।
तालिममा वडा नं १ देखि १२ सम्मका वडा सचिवहरू , वडाका कर्मचारीरू तथा नगरपालिकाका कार्यरत कर्मचारीहरूको सहभागीता रहेको थियो । आइतबारदेखि गुलरिया नगरपालिकाका वडा नं १ देखि १२ वडामा अनलाइन राजस्व संकलन प्रणाली लागू हुनेछ । उक्त अनलाइन प्रणालीबाट सेवा दिएमा छिटोछरितो हुनुका साथै विश्वसनीय र भरपर्दो हुनेछ ।
तालिम सांग्रिला ग्रुपका फिल्ड अफिसर कृष्ण प्रसाद न्यौपानेले दिनु भएको हो । तालिम समापन कार्यक्रमको सञ्चालन गुलरिया नगरपालिकामा कार्यरत आइटी अजयसिंह ठाकुरले गर्नु भएको थियो ।
