कैलालीको लम्कीचुहा नगरपालिका ६ गप्कामा ग्यासका सिलिन्डर बोकेको ६ चक्के ट्रक अनियन्त्रित भएर शनिबार बिहान पल्टेको छ । पुर्वबाट पश्चिम जादै गरेको भे १ क १५८० नम्बरको बाँकेको कोहलपुर नगरपालिकाका छोटेलाल चौधरीले चलाएको ट्रक अनियन्त्रित भएर पल्टिएको प्रहरीले जानकारी दिएको छ । ट्रक पल्टिँदा मानवीय क्षति नभएको इलाका प्रहरी कार्यालय लम्कीका प्रमुख प्रहरी निरीक्षक शंकर खड्काले जानकारी दिनु भएको छ । ट्रक पल्टिएको ठाउँमा इलाका प्रहरी कार्यालयबाट टोली खटिएको प्रहरीले जनाएको छ ।
मंगलवार, कार्तिक ११ गते २०८३
