कैलालीको लम्कीचुहा नगरपालिका वडा नं २ का वडा अध्यक्ष सन्तोष कुमार ओलीले सामाजिक सुरक्षाभत्ता वडा कार्यालयबाट नै वितरण गर्ने गरेका छन् । वडा अध्यक्ष निर्वाचित भएपछि ओलीले पहिलोपटक र दोस्रोपटक गरि दुई पटक जेष्ठ नागरिक लगायत सामाजिक सुरक्षाभत्ता पाउने नागरिकलाई वडा कार्यालयबाट नगद रुपैयाँ दिएर अटोरिक्सामा घरसम्म पुगाउने व्यवस्था समेत गरेका छन् । 
बैंकका कर्मचारीलाई वडा कार्यालयमा बोलाएर वडाभित्र सामाजिक सुरक्षाभत्ता पाउने नागरिककलाई सामाजिक सुरक्षाभत्ता वितरण गरेर वडाबासीको मन जित्न सफल भएका छन् । पहिलोपटक सामाजिक सुरक्षाभत्ता वडाबाट वितरण गरेका ओलीले दोस्रोपटक समेत जेष्ठ नागरिकको स्वास्थ्यलाई मध्यनजर गर्दै स्वास्थ्यकर्मीबाट स्वास्थ्य चेकजाँच समेत गराएका छन् । 
वडा अध्यक्ष ओलीले यस्तो सेवा सुविधा दिएकोमा खुसी भएको जेष्ठ नागरिकले बताएका छन् र वडा अध्यक्ष ओलीलाई धन्यवाद व्यक्त गरेका छन् । 
कम बोलेर धेरै काम गर्नुपर्छ भन्ने सोचाइ भएका ओलीबाट अन्य जनप्रतिनिधिले समेत सिक्ने क्षमता राख्नुपर्छ ।
मंगलवार, कार्तिक ११ गते २०८३
