सहकारी परिवार लम्की कैलालीको आयोजनामा सदस्य उत्प्रेरणा कार्यक्रम बिहीबार लम्कीमा सम्पन्न भएको छ । चर्चित मोटिभेटर प्रशिक्षक नवराज फुयाँलले सहकारी संस्थामा आबद्ध सञ्चालक समिति , कर्मचारीलाई तालिम दिनु भएको हो । 
पिपुल्स बचत तथा ऋण सहकारी संस्था लम्की , अन्नपूर्ण बचत तथा ऋण सहकारी संस्था लम्की , हाम्रो बहुउद्देश्यीय सहकारी संस्था लम्की र चुरे बचत तथा ऋण सहकारी संस्था लम्कीमा आबद्ध कर्मचारी तथा सञ्चालक समितिका पदाधिकारी तथा सदस्यहरूको सहभागीता रहेको थियो । 
पिपुल्स बचत तथा ऋण सहकारी संस्था लम्कीका व्यवस्थापक चन्द्रकान्त खनालको सभापतित्वमा भएको कार्यक्रमका प्रमुख अतिथिमा प्रशिक्षक नवराज फुँयाल रहनु भएको थियो । कार्यक्रमको सञ्चालन अन्नपूर्ण बचत तथा ऋण सहकारी संस्थाका व्यवस्थापक नवराज न्यौपानेले गर्नु भएको थियो । 
तालिममा सहभागीहरूले तालिम उपलब्धि मुलक र प्रभावकारी भएको बताएका थिए । 
फुयालले आफुले धेरै ठाउँमा तालिम दिएकाले तालिमबाट सिकेका कुराहरू जीवनमा प्रयोगमा ल्याउन सके सफलता प्राप्ति गर्न सकिने बताएका थिए ।
मंगलवार, कार्तिक ११ गते २०८३
