नेपाल बजार बिक्री प्रतिनिधि संघ लम्की कैलालीद्वारा आयोजित नयाँ वर्ष २०८० सालको शुभकामना आदानप्रदान तथा वन भोज कार्यक्रम आमपानी पिकनिक क्षेत्रमा शनिबार सम्पन्न भएको छ ।
नेपाल बजार बिक्री प्रतिनिधि संघका इकाई अध्यक्ष रुपेश केसीको अध्यक्षतामा भएको कार्यक्रममा प्रमुख अतिथि लम्कीचुहा नगरपालिकाका नगर प्रमुख सुशिला शाही रहनु भएको थियो । कार्यक्रममा विशिष्ट अतिथिमा नेपाल बजार बिक्री प्रतिनिधि संघका केन्द्रीय वरिष्ठ उपाध्यक्ष पदम भट्टराई रहनु भएको थियो ।
कार्यक्रममा अतिथिमा नेपाल बजार बिक्री प्रतिनिधि संघका केन्द्रीय सदस्य बसन्त बिसी , केन्द्रीय सदस्य टेक बम , सुदूरपश्चिम प्रदेश अध्यक्ष गणेश श्रेष्ठ ,नेपाल वितरक संघका केन्द्रीय सदस्य तथा महास्पाइसका सञ्चालक मदनराज न्यौपाने , लम्कीचुहा उद्योग वाणिज्य संघका उपाध्यक्ष मनिष न्यौपाने , लम्की वितरक संघका अध्यक्ष युवराज न्यौपाने लगायत नेपाल बजार बिक्री प्रतिनिधि संघका पदाधिकारी तथा सदस्यहरूको सहभागीता रहेको थियो ।
कार्यक्रमको सञ्चालन निवर्तमान केन्द्रीय सदस्य रमेश भट्टले गरेका थिए भने स्वागत मन्तव्य प्रदेशका अर्थ सचिव प्रेम बटालाले गरेका थिए ।
नेपाल बजार बिक्री प्रतिनिधि संघ लम्की इकाइ समेत गठन गरिएको छ । जसको अध्यक्षमा रुपेश के.सी , उपाध्यक्ष हृदयराज संज्याल , सचिव बिबस बुढा , अतिरिक्त सचिव डिल्ली लम्साल , सहसचिव प्रमोद मिश्र , सदस्य हिरूलाल चौधरी , सदस्य युबराज रिजाल , सदस्य रन्जित चौधरी , शुभास चौधरी निर्विरोध चयन भएका छन् ।
कार्यक्रममा सहयोगी हातहरूमा हिक्मत बोहरा ( अम्रित डिष्ट्रीलरी प्रालि ) ,भिष्णा खड्का (टाइगर ब्रअरी प्रालि ),बासुदेव भट्ट (प्रान फुड्स प्रालि ) ,प्रकाश शाह (फुट एग्रो ई.प्रालि ),हिरुलाल चौधरी लम्की र चित्र न्यौपाने लम्की सहयोगी हातहरू सहभागी रहेका थिए ।
नेपाल बजार बिक्री प्रतिनिधि संघले आमपानी पिकनिक क्षेत्रमा कार्यक्रम आयोजना गरेर पर्यटन प्रवद्वन तथा प्रचारप्रसारमा सहयोग पुगाउने मुख्य लक्ष्य रहेको केन्द्रीय सदस्य बसन्त बिसीले जानकारी दिएका छन् । यसभन्दा पहिले समेत कार्यक्रम आमपानी क्षेत्रमा भइसकेका छन् । आगामी दिनहरूमा समेत नेपाल बजार बिक्री प्रतिनिधि संघले विभिन्न कार्यक्रम गर्ने लक्ष्य राखेको छ ।
