कैलालीमा वन मुद्दाका फरार प्रतिवादी पक्राउ परेका छन्। जिल्लाको जानकी गाउँपालिका–९ का ३२ वर्षीय भागीराम चौधरी शुक्रवार पक्राउ परेका हुन्।
कैलाली जिल्ला अदालतले २०७२/९ महिना ३० गते ११ हजार ५ सय ६८ रुपैँया जरीवाना तोकेपछि चौधरी फरार रहेका थिए। प्रहरी चौकी अमरावतीका इन्चार्ज एवम् प्रहरी सहायक निरीक्षक बसन्त रोकाय नेतृत्वमा खटि गएको प्रहरी टोलीले उनलाई घरबाट नै फेला पारी पक्राउ गरेको बताइएको छ ।
अमरावती प्रहरी चौकीमा प्रहरी सहायक निरीक्षक बसन्त रोकाय आएपछि शान्ति सुरक्षा , लागू औषध नियन्त्रण , काठ तस्करी नियन्त्रण , ढुंगा , गिट्टी बालुवा उत्खनन जस्ता कार्यमा कडाइ गरिएको छ ।
