नेपाल विद्यार्थी संघको केन्द्रीय सदस्यमा ललित जैसी मनोनीत भएका छन् । नेपाल विद्यार्थी संघले तदर्थ समिति अन्तर्गत जैसी केन्द्रीय सदस्यमा मनोनीत भएका हुन् ।
वि.सं २०६७ सालमा नेपाल विद्यार्थी संघको सदस्यता लिएका जैसी दिपेन्द्र माध्यमिक विद्यालयको इकाइ उप सभापति , २०६९ सालमा कालिका उच्च माध्यमिक विद्यालय भुरूवाको कार्यवाहक सभापति , २०७२ सालमा लम्की बहुमुखी क्याम्पसको इकाई पुर्ण गठन अधिवेशनमा सर्वसम्मत उपसभापतिमा निर्वाचित भएका थिए । २०७३ सालमा मनोनीत जिल्ला सदस्य भएका जैसी २०७३/११/१८ गते सम्पन्न स्ववियु निर्वाचनमा लम्की बहुमुखी क्याम्पसबाट स्ववियु सभापति पदमा निर्वाचित भएका थिए ।
विद्यार्थीहरूका मुद्दा आफ्नो प्रमुख सरोकार रहेको, सामाजिक संघसंस्था, विभिन्न सरोकारका विषयमा आवाज उठाउने, रचनात्मक कार्य गर्ने, न्यायका लागि विभिन्न आन्दोलनहरूका क्रममा प्रहरी हिरासत लगायत आन्दोलनमा अग्रणी भुमिका खेल्दै आएका छन् ।
स्थानीय तहको निर्वाचन , प्रदेश र संघीय निर्वाचनमा नेपाली कांग्रेस पार्टीका तर्फबाट उम्मेदवारी दिएका उम्मेदवारलाई जिताउन समेत जोडदार रुपमा जैसी लागेका थिए ।
२०७४,२०७९ का तिनै तहको निर्वाचनमा प्रदेश "क" को विद्यार्थीबाट संयोजकको जिम्मेवारी समेत बहन गरिसकेका छन् ।
पार्टीका विभिन्न गतिविधिहरूमा सक्रियता पुर्वक लाग्ने गरेका जैसी एक निडर , साहसी , इमानदार व्यक्तिका रुपमा परिचित रहेका छन् ।
