निरन्तरको बर्षाले कैलालीको चिसापानी-मोहन्याल सोल्टा सडकखण्ड पहिरोका कारण अवरुद्व भई यातायात सन्चालनमा कठिनाई भएको भन्ने खवर थाहा पाएपछि सुदूरपश्चिम प्रदेशका मुख्यमन्त्री कमल बहादुर शाहले उक्त सडकको पहिरो पन्छाएर सडक सुचारु गर्न निर्देशन दिएका छन् ।
भौतिक पुर्वाधार सचिव मार्फत सडक पुर्वाधार डाईरेक्टरलाई बर्षायामसम्म एउटा जेसीबी उक्त सडकखण्डमा राखेर सडक निरन्तर सुचारु गर्न निर्देशन दिनुभएको छ । मोहन्याल गाउँपालिकाका उपाध्यक्ष कमल साउदले मुख्यमन्त्री कमल बहादुर शाहलाई आग्रह गरेपछि जनताको दु:ख समस्यालाई बुझेर जेसीबी वर्षायामसम्म सोही सडकमा रहने गरि व्यवस्था भएको उपाध्यक्ष साउदले बताएका छन् ।
मोहन्याल गाउँपालिकाका उपाध्यक्ष कमल साउदले पालिकामा इन्धनको माग गर्दा उपलब्ध गराउन नसकिने भन्ने जवाफ पाएपछि मुख्यमन्त्रीसँग कुरा गरेको बताए ।
