तातापानी खानेपानी सरसफाइ तथा उपभोक्ता समिति पञ्चपुरी नगरपालिका वडा नं १० जामु सुर्खेतको चौथो चुनावी साधारणसभा आज शुक्रबार सम्पन्न भएको छ । तातापानी खानेपानी सरसफाइ तथा उपभोक्ता समितिका अध्यक्ष कृष्णप्रसाद भण्डारीको अध्यक्षतामा भएको कार्यक्रमका प्रमुख अतिथि पञ्चपुरी नगरपालिका वडा नं १० का वडा अध्यक्ष हरि प्रसाद ढकाल रहेका थिए ।
कार्यक्रममा विशिष्ट अतिथिमा निवर्तमान वडा सदस्य वेदराज भण्डारी , सुरेश शर्मा , महेन्द्र प्रसाद न्यौपाने , युवराज शर्मा , अतिथिमा नेविसंघ सुर्खेतका सहसचिव नवराज ढकाल रहेका थिए । कार्यक्रमको सञ्चालन टीकाराम ढकालले गरेका थिए ।
तातापानी खानेपानी सरसफाइ तथा उपभोक्ता समिति पञ्चपुरी नगरपालिका वडा नं १० जामु सुर्खेतको चौथो चुनावी साधारणसभाले पुनः कृष्णप्रसाद भण्डारीको अध्यक्षता नयाँ कार्य समिति चयन गरिएको छ ।
जसको उपाध्यक्षमा प्रजापति न्यौपाने , सचिव टीकाराम ढकाल , कोषाध्यक्ष अर्जुन प्रसाद तिमिल्सेना , सहसचिव धर्मा सन्याल , सदस्यहरूमा खैरे टमट्टा , नन्दाकला पोख्रेल , खड्के कामी , पुष्पा न्यौपाने , विशाखर न्यौपाने , प्रेम सिजापति निर्विरोध निर्वाचित भएका छन् ।
