नेपाल इङ्लिस ल्याङ्गवेज टिचर्स एसोसियन (NELTA) कैलालीको ११ औं बार्षिक साधारण सभा एक कार्यक्रमका बिच नेल्टा कैलालीको आफ्नै कार्यालय भवन शिवनगर धनगढीमा शुक्रबार सम्पन्न भएको छ ।
नेल्टा, कैलालीका अध्यक्ष लक्ष्मण दत्त भट्टको सभापतित्वमा सम्पन्न कार्यक्रमको प्रमुख अतिथि सुदूरपश्चिम प्रदेश नेल्टाका अध्यक्ष रामजी हमाल रहनु भएको थियो ।
नेल्टाका सचिव धर्मदेव नौन्यालले सञ्चालन गरेका थिए ।
कार्यक्रमका विशिष्ट अतिथि नेल्टा कैलालीका पुर्व अध्यक्ष तथा सल्लाहाकार यज्ञराज पाण्डेय र केशव दत्त भट्ट रहेका थिए । अतिथिहरूमा सुदूरपश्चिम प्रदेश नेल्टाका सह–सचिव अर्जुन रजवार, कैलाली बहुमुखी क्याम्पसका उप– प्राध्यापकहरु मोहनसिंह साउँद, डा. हरिचन्द्र कमली र सिताराम भट्ट रहनुभएको थियो ।
कार्यक्रममा नेल्टा कैलालीको स्थापना कालदेखी संस्थाको बिकासमा महत्वपूर्ण योगदान पुगाएको भन्दै पुर्व अध्यक्ष तथा सल्लाहाकार केशव दत्त भट्टलाइ दोसल्ला सहित पप्रशंसा पत्र प्रदान गरि सम्मान गरिएको थियो ।
साथै उक्त कार्यक्रममा कैलाली बहुमुखी क्याम्पसका उप– प्राध्यापक मोहनसिंह साउँदले Cultural Pedagogy in ELT बिषयमा एक कार्यपत्र समेत प्रस्तुत गर्नुभएको थियो ।
११ औं बार्षिक साधारण सभाले आगामी कार्यकालको लागि धर्मदेव नौन्यालको अध्यक्षतामा नयाँ कार्यसमिती चयन गरेको छ ।
नवगठित कार्यसमितिको उपाध्यक्षमा भिम के.सी, सचिवमा सुमन श्रेष्ठ , कोषाध्यक्षमा रमेश प्रसाद जोशी, सदस्यहरुमा मोहनसिंह साउँद, सुभाष चन्द्र भण्डारी , निर्मला जोशी, पार्वती जोशी, कुञ्जा भट्ट, र चुडामणि गजुरेल सर्वसम्मत चयन भएका छन् ।
