चन्द्र प्रसाद खनाल / लम्की पौष ७
लम्की सांगीतिक महोत्सव तथा व्यापार मेला २०८० मा उदघोषिका प्रेरणा गिरीले आफ्नो उदघोषक कलाले लम्कीका दर्शकहरुको आफू प्रति ध्यानाकर्षण गराएकी छिन् ।
शनिवार लम्की सांगीतिक महोत्सव परिसर भित्र सञ्चालित महोत्सवमा प्रेरणाले दर्शकहरुबीच नयाँ आकर्षक खेल खेलाएकी थिइन् । जसमा ३ जना विजेतालाई आफ्नै हातले पुरस्कार स्वरुप महोत्सवमा प्रवेश टिकेट दिएकी थिइन । उनी स्टेजबाट तल झरेर दर्शकहरुको भिडमै गएर रमाइलो गरिन् ।
दर्शकहरुले नि उतिकै मायाका साथ दिएर रमाएका थिए । महोत्सवमा बालबालिका, युवा, वृद्ध सबै उमेरका दर्शकहरु रमाएको आयोजकले जनाएको छ ।
सुदुरपश्चिम प्रदेशमा पहिलो पटक कार्यक्रम गरेर दर्शकको साथ र माया पाउनुका साथै दर्शकको मन समेत जितेकी छिन । लुम्बिनी प्रदेशको नेपालगञ्ज १ बाँके घर भएकी प्रेरणा गिरी चर्चित उद्घोषिका तथा मोडल ( Miss Face of Nepalgunj 2nd runner up) समेत भएकी थिइन् ।
