धनराज विक (अविरल) फागुन १० माल्टा (युरोप)
युरोपको माल्टामा नेपालीले संचालन गरेको हिमालय रेस्टुरेन्टमा मिस माल्टाका विजेताहरुले किङ नेवारी खाजा सेटको उद्घाटन गरेकाछन् । डीएस राणाले माल्टाको बुजिब्बा भन्ने सहरमा संचालन गरेको रेस्टुरेन्टमा बुधबार मिस माल्टा २०२३ का विजेताहरुले नेपाली किङ नेवारी खाजा सेटको उद्घाटन गरेकाहुन् ।
मिस माल्टाका विजेता सरिस स्पेटेरी, मिस माल्टाका टप ५ रनरअप कृश्स्यन बोर्च, सनिस बोर्च, एलेक्स्सिया कुचारिया, लेक्सिन फरुजा, एसमिन एटुरल र करोलिना बोर्दियानले संयुक्त रुपमा नेपाली किङ नेवारी खाजासेटको खाएर उद्घाटन गरेका थिए । किङ नेवारी खाजासेट स्वादिष्ट रहेको भन्दै माल्टामा हिमालय रेस्टुरेन्टले नेपाली मौलिकताको खानाको परिकारले स्वागत गरेकोले खुसी लागेको उनीहरुले बताए । मिस माल्टाका विजेताबाट नेपाली किङ नेवारी खाजा सेटको उद्घाटन गर्न लगाएकोले माल्टावासी र नेपाली बीचको सुमधुर सम्बन्ध स्थापित भएर जाने मिस माल्टाका विजेता सरिस स्पेटेरीले बताईन् ।
मिस माल्टाका विजेता संगै सहभागी भएका नेपाली कोरियोग्राफर सुजित बस्यालले हिमालय रेस्टुरेन्टका सञ्चालक डीएस राणाले मिस माल्टाका विजेतालाई बोलाएर नेपाली खानाको परिकार उद्घाटन गर्न लगाएर धेरै राम्रो काम गरेको बताए । मिस माल्टाका विजेताहरुले आफूलाई सम्झेर संगै कार्यक्रममा बोलाएकोले बस्यालले मिस माल्टाको टिमलाई धन्यवाद् समेत दिएका थिए । उनले भने, “ मिस माल्टाको विजेताहरुलाई २०२४ मा नेपाल भ्रमण गराउने तयारी समेत भई रहेको छ ।”
किङ नेवारी खाजासेटको उद्घाटन कार्यक्रम मार्फत नेपालको बारेमा धेरै जानकारी थाहा पाउने मौका दिएकोले हिमालय रेस्टुरेन्टका सञ्चालक डीएस राणा र नेपाली कोरियोग्राफर सुजित बस्याललाई मिस माल्टाका विजेताले धन्यवाद् व्यक्त गरेका थिए । हिमालय रेस्टुरेन्टको ब्राण्ड नेपाली किङ नेवारी खाजासेटको मिठो स्वाद्लिन सकिने मिस माल्टाका विजेताहरुले बताएका छन् ।
किङ नेवारी खाजासेटको उद्घाटन समारोह कार्यक्रममा माल्टामा व्यवसाय गर्दै आएका नेपाली र माल्टावासी सहभागी भएका थिए । कार्यक्रममा सहभागी भएका सबैले हिमालय रेस्टुरेन्टका सञ्चालक डीएस राणाको व्यवसायिक र सामाजिक कामको प्रशंसा गर्दै किङ नेवारी खाजासेट स्वादिष्ट रहेको बताए । यस्ता खानाको परिकारले माल्टामा नेपाली मौलिकता र पहिचान झल्किने उनीहरुले बताएका थिए ।
माल्टा नेपाल अन्लाईनका सम्पादक एव्म तामाङ समाज माल्टाका महासचिब छेसाङ लोपचन (अशिम) ले मिस माल्टाका विजेताहरुले नेपाली किङ नेवारी खाजासेट मन पराएको बताए । उनीहरुले नेपाली खाजाको स्वाद राम्रो रहेको भन्दै माल्टामा नेपाली खाना र खाजाको माल्टावासी लगायत माल्टामा रहेका अन्य देशका नागरिकले पनि एकपटक स्वाद लिनुपर्ने बताए । माल्टामा हिमालय रेस्टुरेन्टका सञ्चालक डीएस राणाले मिस माल्टाका विजेतालाई बोलाई नेपाली खाजा खुवाएर राम्रो काम गरेको भन्दै नेपाल चिनाउने समेत कामको सुरुवात गरेको उनले बताए ।
नेपालको धादिङ घर भएका सञ्चालक डीएस राणाले केही समय अगाडी देखि माल्टामा हिमालय रेस्टुरेन्ट संचानमा ल्याएकाछन् । केही नेपालीलाई रोजगार समेत दिएका राणाले आफ्नो रेस्टुरेन्टमा आएर किङ नेवारी खाजासेटको उद्घाट गर्ने मिस माल्टाका विजेता लगायत सहभागी पाहुनाहरुलाई धन्यवाद् दिएकाछन् । युरोपको माल्टामा नेपाली खानाको स्वाद दिदै नेपाली खाना र नास्ताले नेपाल चिनाउने काम गर्न सकिने उनले बताए । राणाले माल्टामा हेल्पलाईन समेत संचालन गरेर आम्दानीको केही हिस्सा समस्यामा परेका दुःखी असहायलाई सहयोग गर्दै सामाजिक र मानविय सेवाको काम समेत गर्दै आएकाछन् ।
