जानुका एण्ड सन्स अटो प्रालिले आज आइतबारदेखि टिभिएस अपाचेको नयाँ मोडल अपाचे आरटीआर १६०– टू भी रिफ्रेस बिक्रीको लागि कैलालीको लम्कीमा सार्वजनिक गरेको छ । टिभिएस मोटर नेपालको एकमात्र आधिकारिक बिक्रेता जगदम्बा मोटर्सले सार्बजनिक गरेको टिभिएस अपाचेको नयाँ मोडल अपाचे आरटीआर १६०– टू भी रिफ्रेस जानुका सन्स एण्ड अटो प्रालि लम्की कैलालीले बिक्रीमा राखेको छ ।
मोटरसाईकलको लम्कीचुहा उद्योग वाणिज्य संघका कार्यवाहक अध्यक्ष खडानन्द सापकोटा र टिभिएसका सञ्चालक सञ्जय बुढाथोकीले मोटरसाईकलको कभर उघारेर बिक्रीको लागि प्रर्दशनी भएको जानकारी गराएका हुन ।
टिभिएसले नेपाली बजारमा टिभिएस रोनिन, रेडर, अपाचे, एन्टर्क, आईक्युब, जस्ता उत्कृष्ट बाईक तथा स्कुटरहरु उपलब्द गराउदै आएको छ । टिभिएस बाइक र स्कुटरमा एडभान्स्ड फिचरहरु राख्दै प्रयोगकर्ताहरु माँझ निकै ठूलो प्रभाव पार्न सफल बनेको सेल्स म्यानेजरले बताउनुभयो ।
बजारको माग र युबाहरुको चाहना अनुरुप कम्पनिले टिभिएस अपाचे आरटीआर १६० टू भी रिफ्रेसमा कम्पनीले विभिन्न फिचरहरु थप गरेको छ । टिभिएस अपाचे आरटीआर १६० टू भी रिफ्रेसमा १६० सीसी आरटीआर इन्जिन रहेको छ जस्ले सेग्मेंटकै उच्चतम १४.४ पीएस पावर र १३ एनएम टर्क जेनेरेट गर्छ, टिभिएस स्मार्टकनेक्ट जसको सहायताले राईडरहरुले सजिलै कल तथा टेक्स्ट नोटिफीकेसन, क्र्यास अलर्ट जस्ता सुविधा प्रदान गर्नुको साथै रेस इन्स्पायर्ड डिजिटल डिस्प्ले, आकर्षक एलईडी हेडल्याम्प र सिग्नेचर एलईडी टेल ल्याम्पले सुसज्जित रहेको छ ।
नेपालमा टीभीएसका दुई पाँङ्ग्रे सवारी साधनको एक मात्र आधिकारिक वितरक जगदम्बा मोटर्स प्राईभेट लिमिटेडले देशभर १ सय ४० भन्दा बढी डिलरहरुको बलियो सञ्जाल फैलाएको छ । लम्कीमा सार्वजनिक कार्यक्रममा पत्रकारहरू , विभिन्न ठाउँबाट ग्राहकहरूको सहभागीता रहेको थियो ।
