बालविवाह न्युनिकरण सञ्चालनका लागि निर्देशिका माथि छलफल भएको छ । दलित महिला अधिकार मञ्च नेपालको आयोजनामा लम्कीचुहा नगरपालिकाका जनप्रतिनिधि , सरोकारवालाहरूसँग छलफलसँगै निर्देशिका पारित गर्ने सहमति भएको हो ।
लम्कीचुहा नगर
पालिकाका उप प्रमुख जुना चौधरीको प्रमुख आतिथ्यतामा कार्यक्रम भएको हो ।
निर्देशिका मस्यौदाकार अधिवक्ता बालाराम भट्टराईले सरोकारवालालाई यसको रोकथाम न्युनिकरण र बालविवाह मुक्त पालिका बनाउन बाल संरक्षण समितिलाई सक्रिय बनाउनुपर्ने बताउनुभयो ।
उप प्रमुख चौधरीले आफ्ना बालबालिकाका विषयमा अभिभावकहरूले विशेष दिनुपर्ने बताउनुभयो ।
कार्यक्रममा लम्कीचुहा नगरपालिकाका निमित्त प्रमुख प्रशासकीय अधिकृत जयन्ती बिसीले बालविवाह पुर्ण रुपमा रोक्न सरोकारवाला सबै लाग्नुपर्ने बताउनुभयो ।
कार्यक्रममा दलित महिला अधिकार मञ्च नेपालका कार्यक्रम संयोजक बिमला कडायत र सामाजिक परिचालक मीरा चौधरीले समेत बालविवाह न्युनिकरणका विषयमा सहभागीहरूलाई जानकारी गराउनु भएको थियो ।
कार्यक्रममा करिब २० जनाको सहभागीता रहेको थियो ।
यसैगरी जानकी गाउँपालिका र बर्दगोरिया गाउँपालिकामा समेत निर्देशिका सम्बन्धी छलफल भएको र उक्त निर्देशिका पारित गर्ने सहमति भएको बताइएको छ ।
