जैविक चौतारीको माध्यमबाट संरक्षणको सवाल चुनौती तथा अवसर सम्बन्धि छलफल तथा संवाद कार्यक्रम कैलालीको चिसापानीमा मंगलबार सम्पन्न भएको छ ।
सव डिभिजन वन कार्यालय चिसापानी कैलालीको आयोजनामा कार्यक्रम भएको हो । एकीकृत भु-परिधि व्यवस्थापन बबरमहल काठमाडौंले सहयोग गरेको हो ।
सव डिभिजन वन कार्यालय अन्तर्गत पर्ने सरोकारवालासँग छलफल , संवाद गरिनुका साथै आगामी दिनहरूमा जैविक संरक्षण र सामुदायिक वनलाई कसरी हराभरा बनाउन सकिन्छ भन्ने विषयमा सव डिभिजन वन कार्यालय चिसापानीका प्रमुख पुर्ण कुमार बिष्टले सहभागीहरूलाई जानकारी गराउनु भएको थियो ।
सहभागीहरूले विभिन्न विषयका सन्दर्भमा जिज्ञासा राखेका थिए भने उक्त जिज्ञासाको बारेमा प्रमुख बिष्टले स्पष्ट पारेका थिए ।
