युवाको भूमिका राजनीतिमा अत्यन्तै महत्त्वपूर्ण हुन्छ। युवा वर्गलाई कुनै पनि राष्ट्रको उर्जाशील र परिवर्तनकारी शक्ति मानिन्छ। क्षमता र दक्षताका हिसावले पनि युवाहरु अब्वल हुन्छन। समाजको भविष्य निर्माणमा उनीहरूको सक्रिय सहभागिता आवश्यक हुन्छ ।
विशेष गरी राजनीति जस्तो निर्णायक क्षेत्रमा युवाले अाफ्नो भूमिका कस्तो हुन्छ भने कुरा सावित गरिसकेक छन् । युवा वर्ग नयाँ विचारधारा र प्रविधिको प्रयोग गरी समाजमा नयाँ परिवर्तन ल्याउन सक्दछन्। उनीहरूको नवीन सोच र जोश जागले पुराना परम्परा र प्रक्रियाहरूलाई सुधार्न मद्दत गर्छ।
युवा राजनीतिमा सक्रिय हुँदा, उनीहरू आगामी पुस्ताका नेताहरू बन्न सक्छन्। सही शिक्षा र मार्गदर्शन पाएमा, युवाहरू जिम्मेवारीपूर्वक नेतृत्व गर्न सक्षम हुन्छन्। युवाहरू सामाजिक न्याय, मानव अधिकार, र समानताको पक्षमा प्रबल आवाज उठाउन सक्छन्। उ
नीहरूले विभेद, असमानता, भ्रष्टाचार लगायतका समस्याहरूको विरुद्धमा आन्दोलन गर्दै समाजमा सुधार ल्याउन सक्छन्। आजको डिजिटल युगमा, युवा वर्गले सामाजिक सञ्जाल र अन्य प्रविधिको प्रयोग गरेर जनचेतना फैलाउन र राजनीतिक अभियानहरूलाई प्रभावकारी बनाउन महत्वपूर्ण भूमिका खेल्न सक्छन्। युवाहरूले चुनावमा आफ्नो मतदान अधिकारको प्रयोग गरी सही नेताहरू चयन गर्न सक्दछन्, जसले देशको विकासमा योगदान पुर्याउँछ।
पुरानो राजनीतिक संरचनालाई चुनौती दिँदै, युवाहरूले पारदर्शिता, जवाफदेहिता, र नैतिकतामा आधारित नयाँ राजनीतिक संस्कृतिको विकास गर्न सक्छन्।यसरी, राजनीतिमा युवाको सक्रिय भूमिका एक समृद्ध, न्यायपूर्ण, र प्रगतिशील समाजको निर्माणका लागि अत्यन्तै आवश्यक छ।
✍️ दिनेश गौतम पुर्व पत्रकार हुन् / समसामयिक विषयमा कलम चलाउछन् ।
