सुदुरपश्चिम प्रदेश सरकारले आ.व.२०८१/०८२ बजेट मार्फत बाँकाबीरको सम्मानमा मोहन्याल-७ बाँकामा " बाँकावीर ऐतिहासिक तथा सांस्कृतिक पर्यटन पार्क" निर्माणका लागि २० लाख रुपैयाँ र राजकाडा देखि चुरेको सहजपुर सम्मको मार्गलाई "बाँकावीर मार्ग" घोषणा गरि ५० लाख रुपैयाँ बजेट बिनियोजन गरेको छ।
नवलसिंह रावल फाउन्डेसनका अध्यक्ष तपेन्द्र रावल र लम्कीचुहा नगरपालिकाका प्रवक्ता लव बहादुर शाहीको विशेष पहलमा मुख्यमन्त्री कमल बहादुर शाहले बजेट बिनियोजन गर्नु भएको रावलले बताउनु भयो।
आफुले बोकेको मुद्दाका विषयमा प्रदेश सरकारले र मुख्यमन्त्री शाहले सम्बोधन गरेकोमा अध्यक्ष रावलले धन्यवाद व्यक्त गर्नु भएको छ ।
है जिरा फुल्याको छै क्या मार्फत पर्यटन व्यावसायी रावल विदेशी पर्यटकलाई हवाई भाडादर समान हुनुपर्छ भनेर सर्वोच्च अदालत सम्म पुगेर मुद्दा दायर गरिसक्नु भएको छ ।
विदेशी पर्यटकलाई हवाई भाडादर चार गुणा लिइन्छ , यो समान हुनुपर्छ र विदेशी पर्यटक नेपाल घुम्न आएमा आर्थिक रुपमा देश बलियो हुन्छ भन्ने रावलको माग रहेको छ ।
