देवानन्द न्याैपाने १४ मंसिर २०८१ लम्की,
कैलालीको लम्कीचुहा नगरपालिकाले ३ दिन सार्वजनिक बिदा दिने निर्णय गरेको छ । विहिबार नगर भित्र रहेका सामुदायिक तथा संस्थागत विद्यालयलाई पत्र लेख्दै लम्कीमा जारी लम्की महाेत्सवमा विज्ञान प्रर्दशनी र विद्यालय स्तरीय नृत्य प्रतियाेगिता हुने भएकाले ३ दिन विदा दिईएकाे नगरपालिकाका निमित्त प्रमुख प्रशासकीय अधिकृत तप्त भण्डारीद्वारा जारी गरिएको सुचनामा उल्लेख गरिएको छ ।
महाेत्सवमा विद्यार्थीले विज्ञान प्रविधि बाट आविस्कार गरेका उपकरणको प्रदर्शनी तथा विद्यालय स्तरीय नृत्य प्रतियाेगिता हुने भएकाले ३ दिन विदा दिईएकाे जनाएको छ । नगरपालिकाकाे पत्र अनुसार यहीँ मंसिर १४ गते शुक्रबार, १५ गते शनिबार र १६ गते आईतवार गरी ३ दिन सम्म विदा रहनेछन । विद्यालय साेमबार १७ गतेदेखि सुचारु हुनेछन ।
लम्कीचुहा उद्योग बाणिज्य संघको आयाेजनामा लम्कीमा यहीँ मंसिर ६ गतेदेखि १६ गतेसम्म लम्की महाेत्सव २०८१ सञ्चालन भईरहेकाे छ ।
यसैबीच लम्कीचुहा नगरपालिका संस्थागत विद्यालयकाे छाता संगठन प्याब्सन लम्कीचुहाका अध्यक्ष माेहन ढुंगानाले सामाजिक सञ्जाल फेसबुकमा नगरपालिकाकाे सुचना सेयर गर्दै संस्थागत सबै विद्यालय ३ दिन सम्म बन्द रहने र साेमबारबाट नियमित सञ्चालन हुने जानकारी गराउनु भएको छ । नगरपालिका भित्रका सबै सामुदायिक विद्यालय समेत बन्द रहेका छन ।
यसैबीच सामाजिक सञ्जालमा भने नगरपालिकाकाे विद्यालय बन्द गर्ने निर्णय तत्काल सच्याउन माग गर्दै विराेध भएको छ ।
