समृद्धिका लागि समुदायसँग सँगै भन्ने मुल नारा रहेको किसान बहुउद्देश्यीय सहकारी संस्था लिमिटेडको ३० औं वार्षिक साधारणसभा पथरैया -एकाई भेला मंगलबार सम्पन्न भएको छ ।
किसान बहुउद्देश्यीय सहकारी संस्था लिमिटेड सञ्चालक समिति अध्यक्ष सुरेन्द्र कुमार शाहको सभापतित्वमा भएको कार्यक्रमका प्रमुख अतिथि जानकी गाउँपालिका वडा नं ८ का वडा अध्यक्ष तिर्थराज उपाध्याय रहनु भएको थियो । अतिथिमा किसान बहुउद्देश्यीय सहकारी संस्थाका प्रोजेक्ट म्यानेजर तथा कर्जा बिभाग प्रमुख दिपक ढुंगाना , स्वास्थ्य चौकी पथरैयाका इन्चार्ज मीनबहादुर बि.क. , अमरावती प्रहरी चौकीका इन्चार्ज तिर्थ बहादुर खड्का, नेपाल रेडक्रस सोसाइटी जानकी उपशाखाका सभापति भरत थापा , पलपल अनलाइन मिडियाका सम्पादक चन्द्र प्रसाद खनाल , गंगा देवी थापा , जिल्ला प्रतिनिधि नमराज उपाध्याय , कलावती चौधरी लगायत किसान बहुउद्देश्यीय सहकारी संस्थामा आबद्ध साधारणसभाका प्रतिनिधिहरू , शेयर सदस्यहरूको सहभागीता रहेको थियो ।
कार्यक्रमको सञ्चालन किसान बहुउद्देश्यीय सहकारी संस्था पथरैया शाखा प्रमुख सपना ओलीले गर्नु भएको थियो भने कार्यक्रममा स्वागत मन्तव्य कृषि फर्म प्रमुख बिरेन्द्र बहादुर शाह राख्नु भएको थियो ।
यस्तै संस्थामा आबद्ध सदस्यको मृत्यु लाभ सुविधा ७ लाख ९७ हजार ३ सय २१ रुपैयाँको चेक स्वर्गीय गोमा नेपालीका श्रीमान गगने नेपालीलाई हस्तान्तरण गरिएको छ । श्रीमानको मृत्यु लाभ सुबिधा १ लाख ५८ हजार सदस्य बिस्ना बि.क.लाई प्रदान गरिएको थियो ।
यस्तै MBBS तथा SEE मा उत्कृष्ट नतिजा ल्याउने विद्यार्थी प्रबेश शाहीलाई १० हजार ,मेरिना कठरिया,दिपेन्द्र वडलाई क्रमश ५ हजार /५ हजारका दरले पुरस्कार बितरण गरिएको थियो ।
किसान बहुउद्देश्यीय सहकारी संस्थाले हालसम्म २ सय जना छात्र छात्रालाई किसान कोप शिक्षाबाट १३ लाख ७० हजार ५ सय रुपैयाँ वितरण गरिएको छ । उत्कृष्ट शेयर सदस्य तथा व्यावसाय गरेकालाई समेत सम्मान गरिएको छ ।
किसान बहुउद्देश्यीय सहकारी संस्था पथरैया शाखामा १ हजार ३८ जना आबद्ध रहेका छन् ।
कार्यक्रममा बोल्ने वक्ताहरूले किसान बहुउद्देश्यीय सहकारी संस्थाको एकाइ भेलाको सफलताको शुभकामना मन्तव्य व्यक्त गर्नुका साथै किसान बहुउद्देश्यीय सहकारी संस्था देशकै उत्कृष्ट संस्था भएको बताएका थिए ।
