सफल जोडी सिद्धराज रेग्मी र लक्ष्मी रेग्मीलाई सम्मान गरिएको छ । जसको कोही छैन त्यसको हामी छौं अभियान नेपाल कैलालीले संघर्षको मैदानमा सफलताको कथा अन्तर्गत सफल जोडीलाई सम्मान गरिएको हो । सुर्खेतको पञ्चपुरी नगरपालिका -५ बाबियाचौरमा बसोबास गर्दै आउनु भएका र पञ्चपुरी अस्पताल प्रालि सञ्चालन गरिरहेका सिद्वराज रेग्मीको जोडीलाई सम्मान गरिएको हो ।
जसको कोही छैन त्यसको हामी छौँ अभियान नेपालका अध्यक्ष , युवा समाजसेवी नेत्र भण्डारीको टिमले सम्मान गरेका हुन् । सम्मान कार्यक्रममा जसको कोही छैन त्यसको हामी छौँ अभियान नेपालका पदाधिकारी तथा सदस्यहरू , सञ्चारकर्मीहरूको सहभागीता रहेको थियो । जसको कोही छैन त्यसको हामी छौँ अभियान नेपालले सामाजिक कार्य समेत गर्दै आएको छ ।
विं स. २०२९ सालमा अछामको कालागाउँ रोलमा जन्मनु भएका र हाल पञ्चपुरी नगरपालिका वडा नं ५ बाबियाचौरमा सिनियर अहेव छैठौं तहका सिद्धराज रेग्मी हुन् । उहाँका छोरा रोशन रेग्मी समेत एमबीबीएस डाक्टर हुन् । अर्का छोरा कपिल रेग्मी प्रोफेसरका रुपमा कार्यरत रहेका छन् ।
सम्मान कार्यक्रममा बोल्दै रेग्मीले आफुले सानो उमेरमा धेरै दु:ख पाएको बताउँदै संघर्ष गर्दै जाँदा सफलता प्राप्त भइरहेको र आगामी दिनहरूमा समेत राम्रो गर्ने बताएका छन् ।
जसको कोही छैन त्यसको हामी छौँ अभियान नेपालका संयोजक नेत्र भण्डारीले सफल जोडीलाई सम्मान गर्न पाउँदा खुसी लागेको र २७ जनाको चिठ्ठा उपहारमा रेग्मीको जोडी परेको बताए ।
