प्याकुरेल सेवा समाज नेपालको सहकार्य ,समन्वयर कैलाली शाखाको आयोजनामा सामुदायिक विद्यालय स्तरीय सरसफाइ सप्ताह २०८३ जारी रहेको छ । प्याकुरेल सेवा समाज कैलाली शाखाको आयोजनामा सुरु भएको कार्यक्रम दिपेन्द्र माध्यमिक विद्यालय लम्कीचुहा -१ थपालीपुरबाट सुरु भएको थियो । सप्ताह कार्यक्रम अन्तर्गत आज सोमबार जनचेतना प्राविका ८० जना र सहिद स्मृति माध्यमिक विद्यालय पुर्व लम्कीका करिब १५० जनालाई सरसफाइ सामाग्री वितरण गरिएको छ ।
समाजसेवी मोतीलाल प्याकुरेलको सभापतित्वमा भएको कार्यक्रमका प्रमुख अतिथि प्याकुरेल सेवा समाजका केन्द्रीय उपाध्यक्ष विष्णुप्रसाद प्याकुरेल रहनु भएको थियो । कार्यक्रममा प्याकुरेल सेवा समाजका केन्द्रीय सदस्य महेन्द्र प्याकुरेल लगायत प्याकुरेल सेवा समाजका पदाधिकारीहरू , सदस्यहरू , शिक्षक विद्यार्थीहरूको सहभागीतामा कार्यक्रम भएको हो ।
कार्यक्रमको सञ्चालन प्याकुरेल सेवा समाज कैलाली शाखाका अध्यक्ष दिपेन्द्र खत्री प्याकुरेलले गर्नु भएको थियो ।
सरसफाइ सम्बन्धी सहजीकरण आधारभूत स्वास्थ्य केन्द्र चिसापानीका प्रमुख पदम प्रसाद प्याकुरेल गर्नु भएको थियो ।
