गृहमन्त्री बालकृष्ण खाँणले कोरोनाभाइरसको संक्रमण नियन्त्रण प्रभावकारी बनाउन निर्देशन दिएका छन् । कोरोना नियन्त्रण प्रभावकारी नदेखिएको भन्दै मन्त्री खाँणले सबै निकायलाई निर्देशन दिएका हुन् । शुक्रबार मन्त्रालयमा गरिएको अन्तरक्रियामा खाँणले सबै निकायलाई एक साताभित्र नतिजा ल्याउन निर्देशन दिएका हुन् । उनले स्वास्थ्य मन्त्रालयमा थन्किएको तीन करोड थान मास्क वितरण गर्न पनि निर्देशन दिएका छन् । प्रधानमन्त्री शेरबहादुर देउवाको पहिलो उद्घोष खोप रहेको भन्दै उनले त्यसलाई पूरा गराउनु आफ्नो दायित्व रहेको बताए । उनले नेपाल प्रवेश गर्ने नाकाहरूमा पनि खोपको व्यवस्थापन गर्न निर्देशन समेत दिएका छन् ।
मंगलवार, कार्तिक ११ गते २०८३
