प्रधानमन्त्री केपी शर्मा ओलीले देश र जनताको विपक्षमा फैसला भए आन्दोलनमा जाने भन्दै सर्वोच्च अदालतलाई धम्की दिनुभएको छ ।
शनिबार विराटनगरमा ओली पक्षीय नेकपाको प्रदेश कमिटीको आयोजनामा भएको आमसभामा बोल्दै प्रधानमन्त्री ओलीले देश र जनताको पक्षमा फैसला नभए आन्दोलन हुने चेतावनी दिनुभएको हो ।
उहाँले भन्नुभयो, ‘यदि कुनै प्रकारको जालझेल, षडयन्त्र, तिकडम, सेटिङ केही भएर देश र जनताको विपक्षमा फैसला हुन्छ भने हाम्रो आन्दोलन फेरि पनि अगाडि बढ्छ, त्यस्ता शक्तिहरूलाई पराजित गर्छौं ।’
प्रधानमन्त्री ओलीले निर्वाचन आयोगले सूर्य चिन्ह आफूहरुलाई दिनेमा ढुक्क हुन पनि कार्यकर्तालाई विश्वास दिलाउनुभएको छ ।
प्रतिनिधिसभा विघटनविरुद्ध सर्वोच्च अदालतको फैसला भएमा राजनीतिक गठजोड गर्नका लागि सांसदहरूको किनबेच, सरकार बनाउने र ढाल्ने जस्ताा फोहोरी खेल हुने प्रधानमन्त्रीको तर्क छ । अदालतले
सर्वोच्च अदालतले देशका विभिन्न भागमा भएका सभाहरूबाट प्रकट भएका जनताका अभिमत, संविधानको मर्म र भावना तथा विघटन नभएपछिको परिणामलाई ध्यान दिएकाले कुनै पनि भ्रममा नपरी चुनावको तयारीमा जुट्न नेता तथा कार्यकर्तालाई दिर्नेशन दिनुभयो ।
